1. ກ່ຽວກັບສະພາບບັນຫາທີ່ໂຄງການຢາກຈະແກ້ໄຂ / About the problem that project want to solve.

ຕ້ອງການສ້າງຄວາມຮັບຮູ້ ແລະ ເຜີຍແຜ່ວິທີການໃນການຊ່ວຍເຫຼືອ ແລະ ດູແລເບິ່ງແຍງເດັກໂອທິສຕິກ, ເພື່ອໃຫ້ພໍ່ແມ່, ຜູ້ປົກງຄອງ ແລະ ຜູ້ດູແລ ຂອງເດັກໂອທິສຕິກໄດ້ຕະໜັກຮັບຮູ້ເຖິງຂັ້ນຕອນ, ຄວາມສໍາຄັນ ແລະ ວິທີການໃນການຮັບມືກັບຕົວເດັກ.

2. ໂຄງການໄດ້ເຮັດຫຍັງແດ່ເພື່ອແກ້ໄຂບັນຫາ / About how the project solve the problems

• ໄດ້ມີການຝືກອົບຮົມໃຫ້ກັບ ພໍ່ແມ່ ແລະ ຜູ້ປົກຄອງຂອງເດັກໂອທິສຕິກໃຫ້ມີຄວາມຮູ້, ຄວາມສາມາດໃນການຮັບມືກັບເດັກໂອທິສຕິກ.
• ສົ່ງເສີມວິທີຝືກເດັກໃຫ້ມີຄວາມໜ້າສົນໃຈ ແລະ ສ້າງສັນ.  
• ຝືກອົບຮົມຄວາມຮູ້ໃນການສົ່ງເສີມການປະພຶດໃນທາງບວກ ໃຫ້ແກ່ບຸກຄົນໂອທິດຕິກ ທັງຢູ່ເຮືອນ ແລະ ຢູ່ໂຮງຮຽນ (ກິລິຍາມາລາຍາດຂອງສັງຄົມ).
• ສາທິດ ແລະ ສົ່ງເສີມການນໍາໃຊ້ສື່ທາງເລືອກເສີມ ຫຼື ການນໍາໃຊ້ຮູບພາບປະກອບເພື່ອຊ່ວຍໃນການສື່ສານ (AAC) ເພື່ອກະຕຸ້ນການເວົ້າ ສໍາລັບກຸ່ມເດັກໂອທິສຕິກທີ່ຍັງເວົ້າບໍ່ໄດ້.
• ສະແດງ ແລະ ສາທິດວິທີການອ່ານນິທານ, ແຕ້ມຮູບ ແລະ ເຮັດກິດຈະກຳມ່ວນຊື່ນຮ່ວມກັບຄອບຄົວ ແລະ ເດັກໂອທິສຕິກ.
• ຝຶກອາຊີບ ຫຼື ວຽກງານ ທີ່ຄົນໂອທິສຕິກສາມາດເຮັດໄດ້ໂດຍໄດ້ເບິ່ງວີດີໂອຂອງ ຊຸມຊົນປີກກ້າຂາແຂງ ຢູ່ຈັງຫວັດ ນະຄອນລາດຊະສີມາ, ປະເທດໄທ. ປືກສາຫາລື ແລະ ວິທີການກ່ຽວກັບວິທີການຄົ້ນຫາຈຸດເດັ່ນຂອງບຸກຄົນໂອທິສຕິກ ພ້ອມດ້ວຍການພັດທະນາຈຸດເດັ່ນນັ້ນເພື່ອເປັນອາຊີບໃນອານາຄົດຂອງເດັກໂອທິສຕິກ.

3. ຜົນສຳເລັດຂອງໂຄງການ / Results of the project

1. ໄດ້ເປີດໂອກາດໃຫ້ເດັກໄດ້ຮັບການຊ່ວຍເຫລືອ, ໃຫ້ຄວາມຮູ້ພໍ່ແມ່ໃນການຝຶກແອບລູກ.
2. ພໍ່ແມ່ໄດ້ຮູ້ເຖິງບັນຫາ ແລະ ວິທີການໃນການຮັບມີກັບລູກຫລາຍຂື້ນ
3. ສ້າງເຄືອຄ່າຍຜູ້ປົກຄອງ, ສ້າງສາຍສຳພັນທີ່ດີ
4. 128 ຄົນໄດ້ຄວາມຮູ້ເພີ່ມເຕີມໃນການຮັບມືກັບເດັກໂອທິສຕິກແບບຖືກວິທີ

 

4. ປັດໄຈສູ່ຜົນສຳເລັດ / Factors of success

1. ມີການຮ່ວມມືກັບບັນດາຊ່ຽວຊານຄົນໄທ
2. ການໃຊ້ພາສາກໍ່ງ່າຍໃນການສື່ສານ
3. ຕ້ອງມີການຮ່ວມມືກັນກັບຜູ້ຈັດກິດຈະກໍາ ແລະ ຜູ້ເຂົ້າຮ່ວມ
4.  ຕ້ອງເລືອກ ແລະ ຈັດສັນເວລາໃຫ້ເໝາະສົມ
5. ຮັບຝັງຄໍາຄິດເຫັນຂອງຜູ້ປົກຄອງ ແລະ ນໍາເອົາຫົວຂໍ້ທີ່ຜູ້ປົກຄອງຢາກຝຶກແທ້ໆມາຝຶກ

 

5. ຂໍ້ຈຳກັດທີເຮັດໃຫ້ບໍ່ສຳເລັດຜົນໄດ້ດີ / Limitations

• ການຝຶກອົບຮົມມີເວລາໃນການຖາມ-ຕອບຂ້ອນຂ້າງໜ້ອຍ.
• ການຝຶກອົບຮົມຈັດຖືກກັບວັນພັກຜ່ອນເຮັດໃຫ້ຜູ້ປົກຄອງບາງທ່ານເກີດຄວາມຫຍຸ່ງຍາກໃນການມາຮ່ວມງານ.
• ການຝຶກອົບຮົມບາງຊ່ວງຍັງໃຊ້ພາສາອັງກິດ ແລະ ຜູ້ເຂົ້າຮ່ວມຍັງຕ້ອງໄດ້ໃຊ້ພາສາແປ. ເອກະສານຍັງເປັນພາສາອັງກິດຢູ່. ຜູ້ເຂົ້າຮ່ວມຍັງບໍ່ກ້າມີສ່ວນຮ່ວມໃນການຝືກອົບຮົມ ແລະ ຢາກໃຫ້ມີການຢາຍເອກະສານລ່ວງໜ້າ.

6. ຂໍ້ແນະນຳສຳລັບຜູ້ທີ່ສົນໃຈຢາກທົດລອງນຳໃຊ້ / Recommendations for scaling up

1. ຕ້ອງມີເຄືອຄ່າຍຄວາມຮູ້ທີ່ເປັນນັກວິຊາການທີ່ມີປະສົບການໃນໜ້າວຽກໂດຍສະເພາະ
2. ຫົວຂໍ້ຝຶກຈະຕ້ອງຕອບໂຈດແກ້ໄຂບັນຫາໃຫ້ຜູ້ປົກຄອງໄດ້
3. ຕ້ອງມີງົບປະມານພຽງພໍ່ໃນການຈັດກິດຈະກໍາ

 

Download PDF