1. ກ່ຽວກັບສະພາບບັນຫາທີ່ໂຄງການຢາກຈະແກ້ໄຂ / About the problem that project want to solve.

ຄົນພິການມີໂອກາດນ້ອຍໃນການເຂົ້າເຖິງການສຶກສາ , ການຝຶກອົບຮົມວິຊາຊີບ, ມີວຽກເຮັດ ແລະ ອາຊີບທີ່ຖາວອນ, ຫຍຸ້ງຍາກໃນການເຂົ້າເຖິງການປິ່ນປົວ ແລະ ຮັກສາສຸຂະພາບ, ສະພາບຄອບຄົວທຸກຍາກ, ຄວາມຫຍຸ້ງຍາກກັບຄວາມເປັນພິການ ແລະ ອຸປະກອນຄ້ຳຊູ

2. ໂຄງການໄດ້ເຮັດຫຍັງແດ່ເພື່ອແກ້ໄຂບັນຫາ / About how the project solve the problems

• ສ້າງໂອກາດ ແລະເງື່ອນໄຂໃຫ້ ແມ່ຍິງ ແລະເດັກຍິງໃຫ້ເຂົ້າເຖິງ ການສຶກສາ, ການຝຶກອົບຮົມວິຊາຊີບ, ການມີວຽກເຮັດງານທຳ, ການປິ່ນປົວ ແລະຮັກສາສຸຂະພາບ ໂດຍການຝຶກອົບຮົມວິຊາຊີບ ໃຫ້ແກ່ແມ່ຍິງພິການໃນ 4 ວິຊາຫຼັກຄື: ຕັດຫຍິບ, ຕ່ໍາຫູກ, ຜະລິດແປຮູບປະພັນເຈ້ຍ ແລະ ຄອມພິວເຕີ. ນອກຈາກນັ້ນ, ຍັງມີວິຊາເສີມເຊັ່ນ: ດ້ານພາສາອັງກິດ, ພາສາລາວ, ຄະນິດສາດ, ການສ້າງສັນຕິສຸກ, ພັດທະນາສັງຄົມ, ທຸລະກິດຂະຫນາດນ້ອຍ.

• ຝຶກອົບຮົມເຜີຍແຜ່ສິດທິຄົນພິການ ແລະ ກົດຫມາຍຂອງຄົນພິການ, ຍຸດທະສາດ ແລະ ແຜນປະຕິບັດງານແຫ່ງຊາດເພື່ອຄົນພິການມ ບົດບາດຍິງ-ຊາຍໃຫ້ກັບອົງກອນຈັດຕັ້ງທາງພາກລັດ, ອົງກອນຈັດຕັ້ງສາກົນ, ອົງການຈັດຕັ້ງຄົນພິການ ແລະ ຜູ້ພິການ. 

• ຮ່ວມມືກັບພາກລັດ, ອົງການຈັດຕັ້ງຄົນພິການ, ອົງການຈັດຕັ້ງສັງຄົມ, ຄອບຄົວຄົນພິການ, ຜູ່ພິການເອງ ເພື່ອເຮັດໃຫ້ແມ່່ຍິງ, ເດັກຍິງພິການ ໄດ້ມີສ່ວນຮ່ວມໃນການຜັນຂະຫຍາຍກົດໝາຍ ຂອງຄົນພິການ. ປຸກລະດົມ ແລະ ປູກຈິດສຳນຶກ ທົ່ວສັງຄົມ ເຫັນຄວາມສຳຄັນ ຂອງການຈັດຕັ້ງປະຕິບັດກົດໝາຍວ່າດ້ວຍຄົນພິການ.
• ປຸກລະດົມ ສັງຄົມໃນການສ້າງສິ່ງອຳນວຍຄວາມສະດວກ ແລະ ປອດໄພ ໃນການເດີນທາງ ຫລື ຄົມມະນາຄົມແກ່ຄົນພິການ.
• ສ້າງຂີດຄວາມສາມາດ ທັກສະຄວາມເປັນຜູ້ນຳ ໃຫ້ແມ່ຍິງ, ເດັກຍິງພິການ ໄດ້ມີຄວາມເຂັ້ມແຂງ ມີຫລັກໝັ້ນໃນດຳລົງຊີວິດ.

3. ຜົນສຳເລັດຂອງໂຄງການ / Results of the project

• ແມ່ຍິງ, ເດັກຍິງພິການ ໃນ ສປປ ລາວ ໄດ້ຮັບການສຶກສາ, ເຂົ້າເຖິງຂໍ້ມູນຂ່າວສານດ້ວຍການຈັດຝຶກອົບຮົມກົດໝາຍຄົນພິການ ແລະ ເຜີຍແຜ່ໃນລະດັບສູນກາງລົງຮອດທ້ອງຖີ່ນ.
• ແມ່ຍິງ, ເດັກຍິງພິການໄດ້ເຂົ້າເຖິງການປິ່ນປົວ ແລະ ຮັກສາສຸຂະພາບ, ໄດ້ເຂົ້າເຖິງການຝຶກອົບຮົມວິຊາຊີບ, ມີວຽກເຮັດງານທຳ ສາມາດລ້ຽງກຸ້ມຕົນເອງ ແລະ ຄອບຄົວ, ດຳລົງຊີວິດໃນສັງຄົມຢ່າງມີກຽດ ແລະ ປະກອບສ່ວນໃນການພັດທະນາເສດຖະກິດສັງຄົມ ຂອງຊາດໄດ້ເທື່ອລະກ້າວ.

4. ປັດໄຈສູ່ຜົນສຳເລັດ / Factors of success

• ທີມງານໂຄງການ (ຄູຝຶກມີການກຽມການທີ່ທີ່ດີ ແລະ ເປັນທີມທີ່ເກັ່ງ)
• ຍ້ອນໄດ້ຮັບການອໍານວຍຄວາມສະດວກ ແລະ ການໃຫ້ຄວາມຮ່ວມມືຈາກອໍານາດການປົກຄອງທ້ອງຖິ່ນ ແລະ ພາກສ່ວນທີ່ກ່ຽວຂ້ອງເປັນຕົ້ນແມ່ນພະແນກແຮງງານແຂວງຕ່າງໆ, ສະມາຄົມພິການ ສາຂາແຂວງ, ນາຍບ້ານ, ເວລາທີ່ມີໂຄງການໄປຈັດຕັ້ງປະຕິບັດເພີ່ນກໍ່ໄດ້ຊ່ວຍອໍານວຍຄວາມສະດວກໃນການປະສານງານຕ່າງໆ

5. ຂໍ້ຈຳກັດທີເຮັດໃຫ້ບໍ່ສຳເລັດຜົນໄດ້ດີ / Limitations

1. ຄົນພິການບາງຄົນຄວາມຮູ້ຄວາມສາມາດບໍ່ພຽງພໍ, ບໍ່ມີຄວາມໝັນໃຈໃນການສະແດງອອກ, ບາງຄັ້ງສະພາບແວດລ້ອມອາຄານສະຖານທີ່ຕ່າງໆຍັງບໍ່ອໍານວຍຄວາມສະດວກ, ສະພາບຄອບຄົວຍັງບໍ່ທັນໃຫ້ການສະໝັບສະໝູນຊຸກຍູ້ແກ່ພວກເຂົາ.
2. ການສົ່ງຂໍ້ມູນ  ຫຼື ຂອດການປະສານງານ ( ຍ້ອນບາງທ້ອງຖິ່ນ ຍັງບໍ່ເຂົ້າໃຈພາສາກາງດີ).

6. ຂໍ້ແນະນຳສຳລັບຜູ້ທີ່ສົນໃຈຢາກທົດລອງນຳໃຊ້ / Recommendations for scaling up

ຊອກຮູ້ບັນຫາ ແລະ ຄວາມຕ້ອງການຂອງກຸ່ມເປົ້າໝາຍ ເຊັ່ນ: ຈຸດພິເສດຂອງກຸ່ມເດັກຍິງພິການວ່າເຂົາເຈົ້າມີລັກສະນະແບບໃດ, ພອນສະຫວັນດ້ານໃດ, ເໝາະກັບອາຊີບໃດ ແລະ ຈັດສັນໃຫ້ໂອກາດແກ່ພວກເຂົາໃຫ້ໄດ້ຫຼາຍທີ່ສຸດ.

Download PDF