1. ກ່ຽວກັບສະພາບບັນຫາທີ່ໂຄງການຢາກຈະແກ້ໄຂ / About the problem that project want to solve.

ເພື່ອເສີມສ້າງຄວາມອາດສາມາດ ທາງດ້ານເສດຖະກິດ-ສັງຄົມ ໃຫ່້ແກ່ແມ່ຍິງພິການ,ຊົນເຜົ່າ ພາຍໃນບ້ານ ວຽງຄຳ ເມືອງ ຫີນເຫີບ ແຂວງວຽງຈັນ

2. ໂຄງການໄດ້ເຮັດຫຍັງແດ່ເພື່ອແກ້ໄຂບັນຫາ / About how the project solve the problems

• ເພື່ອຊອກຮູ້ບັນຫາ,ທ່າແຮງ ແລະ ຄວາມຕ້ອງການຂອງສະມາຊິກຄົນພິການພາຍໃນບ້ານ ວຽງຄຳ ເມືອງ ຫີນເຫີບ ແຂວງວຽງຈັນ
• ເພື່ອສ້າງຄວາມສາມະຄີຮັກແພງກັບກຸ່ມຄົນພິການ ໂດຍນຳໃຊ້ແບບຟອມສຳພາດເຂົ້າໃນການຊອກຮູ້ບັນຫາ ແລະ ຄວາມຕ້ອງການຂອງຊຸມຊົນ ບ້ານ ວຽງຄໍາເມືອງຫີນເຫີບ ແຂວງວຽງຈັນ

3. ຜົນສຳເລັດຂອງໂຄງການ / Results of the project

• ໄດ້ສຳພາດ ແລະ ເກັບກຳຂໍ້ມູນຂອງຄອບຄົວຄົນພິການ, ແມ່ຍິງຊົນເຜົ່າທີ່ທຸກຍາກ,ເດັກພິການ.
• ໄດ້ເຫັນບັນຫາຕົວຈິງ ແລະຄວາມຕ້ອງການຂອງພວກເຂົາເຈົ້າໂດຍຜ່ານການລົງຢ້ຽມຢາມ ເພື່ອເປັນແນວທາງໃນການແກ້ໄຂບັນຫາຂອງພວກເຂົາເຈົ້າໃນອານາຄົດ

4. ປັດໄຈສູ່ຜົນສຳເລັດ / Factors of success

• ສັງເກດເຫັນໄດ້ວ່າທຸກພາກສ່ວນທາງພາກລັດ ແລະ ທາງສະມາຄົມຕ່າງໆໄດ້ໃຫ້ຄວາມສົນໃຈຕໍ່ການລົງເກັບສຳພາດຂອງທີມງານ
• ສາມາດເຂົ້າເຖິງຄອບຄົວຂອງຄົນພິການຢ່າງຈະແຈ້ງໄດ້ເຖິງສະພາບເປັນຢູ່ຂອງຄົນພິການພາຍໃນບ້ານວຽງຄໍາ ເມືອງ ຫີນເຫີບ ແຂວງ ວຽງຈັນ ເຫັນຄວາມເປັນໄປໄດ້ ແລະ ທ່າແຮງຂອງແຕ່ລະຄອບຄົວໃນການປູກ ການລ້ຽງຕ່າງໆຂອງໂຄງການດັ່ງກວ່າ
• ນອກຈາກນີ້ແລ້ວສັງເກດເຫັນໄດ້ວ່າຄອບຄົວຜູ້ທີ່ມີສະມາຊິກເປັນຄົນພິການແມ່ນໃຫ້ຄວາມຮ່ວມມືຢ່າງເຕັມສ່ວນໃນການຕອບຄຳຖາມ ແລະ ໃຫ້ຄຳສຳພາດກັບທີມງານ.

5. ຂໍ້ຈຳກັດທີເຮັດໃຫ້ບໍ່ສຳເລັດຜົນໄດ້ດີ / Limitations

• ການເຂົ້າຫາຄອບຄົວຄົນພິການແມ່ນຍັງພົບຄວາມຫຍຸ້ງຍາກເນື່ອງຈາກວ່າ ສະມາຊິກບໍ່ຢູ່ເຮືອນ, ໄປໄຮ່ ໄປສວນ ນຳພໍ່ແມ່ ຜູ້ປົກຄອງ ຈຳເປັນຕ້ອງໄດ້ລໍຖ້າ .
• ບາງຄອບຄົວຜູ້ປົກຄອງໄປທຳມາຫາກິນເລີຍບໍ່ສາມາດໃຫ້ຂໍ້ມູນໄດ້ຕາມຄວາມຕ້ອງການ
• ບາງຄອບຄົວຂອງຄົນພິການແມ່ນຍັງບໍ່ໄດ້ໃຫ້ຄວາມຮ່ວມມືນຳໂຄງການຂອງພວກເຮົາໃນການໃຫ້ສຳພາດ,ເກັບກຳຂໍ້ມູນຢ່າງຊັດເຈນ
• ບາງຄອບຄົວພິການຍັງອາຍບໍ່ກ້າສະແດງອອກ ກັບຄວາມຕ້ອງການຂອງຕົນເອງ

6. ຂໍ້ແນະນຳສຳລັບຜູ້ທີ່ສົນໃຈຢາກທົດລອງນຳໃຊ້ / Recommendations for scaling up

• ສັງເກດເຫັນທຸກພາກສ່ວນໄດ້ເອົາໃຈໃສ່ ແລະ ຕອບສະໜອງກັບໂຄງການດັ່ງກວ່າເປັນຢ່າງດີ
• ນອກນີ້ຍັງສັງເກດເຫັນໄດ້ວ່າການຕອບຮັບຂອງແຕ່ລະຄອບຄົວແມ່ນພ້ອມທີ່ຈະໃຫ້ການສະໜັບສະໜູນແລະຮ່ວມມືເປັນຢ່າງດີ
• ທິມງານໄດ້ເຂົ້າໃຈເຖິງຊີວິດການເປັນຢູ່ຂອງຄົນພິການ ແລະ ທາງດ້ານເສດຖະກິດພາຍໃນຄອບຄົວຂອງຄົນພິການ

Download PDF